AVE a Galicia: un proxecto deturpado?

Pulsa na imaxe para aceder ao documento

O Grupo Socialista do Congreso, a petición dos diputados galegos, ven de solicitar a comparecencia do ministro de Fomento, Iñigo de la Serna, para que dea conta detallada, en sede parlamentaria, da situación actual das obras do AVE a Galicia e da nova planificación recentemente anunciada polo propio ministro na súa entrevista co Presidente da Xunta de Galicia, Núñez Feijóo.

Cal é o proxecto que realmente se pretende executar?

É o proxecto que esperamos todos os galegos ou ben o que pensa executar o goberno de Rajoy é un proxecto de AVE deturpado e recortado?

Ao presidente da Xunta, Alberto Núñez Feijóo, semella non importarlle, sólo cal, acata, e confórmase cunha foto cada tres meses.

Os socialistas presentaremos, ademáis desta petición de comparecencia, unha batería de preguntas ao goberno para que o departamento do ministro De la Serna teña que respostar sobre cuestións concretas sobre o proxecto do AVE a Galicia.

plataforma de dobre vía en todo o percorrido do AVE, a variante Taboadela-Ourense, o tramo a Pontevedra e Vigo por Cerdedo, a liña Ourense-Lugo, a saída sur de Vigo e a conexión con Portugal, formarán parte das preguntas ao goberno. Outra das cuestións que formularemos os socialistas serán acerca das estacións intermodais pendentes en Galicia, como as de Vigo, Santiago, Ourense e Lugo.

Ademáis, demandaremos do ministro o cadro orzamentario, partida a partida, para os próximos año e esixiremos a explicación dos graos de execución das partidas para o AVE a Galicia dende o ano 2012 ata o 2016, para así amosar a falsidade dos orzamentos de Rajoy  e de Ana Pastor con destino a Galicia. Dende o goberno do Partido Popular, e contando coa total complicidade e o absoluto silenzo de Núñez Feijóo, sempre se maquillaron os orzamentos cunhas partidas para os tramos da alta velocidad a Galicia que nunca se chegaban a executar na súa totalidade, o que provocou un recorte ao proxecto ferroviario galego de máis de mil millóns de euros, co conseguinte retraso nas obras do que agora pretenden sair exculpados.

 

Grazas por compartilo nas túas redes:

Deixa un comentario

Este sitio emprega Akismet para reducir o spam. Aprende como se procesan os datos dos teus comentarios.